ლოიალობის პროგრამის წესები და პირობები

1. შესავალი;

1.1. წინამდებარე წესები და პირობები ვრცელდება შპს ვანფრაიზ რითეილ გრუფ ჯორჯიას (ს.ნ.: 406372287) [შემდგომში: OnePrice] ლოიალობის პროგრამაზე [შემდგომში: პროგრამა], რომლის ფარგლებშიც OnePrice-ის მომხმარებლებს [შემდგომში: მომხმარებელი] შესაძლებლობა აქვთ დააგროვონ და გაანაღდონ ქულები;

1.2. პროგრამაში მონაწილეობით მომხმარებელი ეთანხმება, რომ მასზე გავრცელდეს წინამდებარე „ლოიალობის პროგრამის წესები და პირობები“ და „OnePrice-ის პერსონალური მონაცემების დამუშავების პოლიტიკა“.

2. პროგრამაში მონაწილეობის მიღება;

2.1. პროგრამაში მონაწილეობის მიღება შეუძლია ნებისმიერ მომხმარებელს, რომელიც არის ფიზიკური პირი და რომელსაც პროგრამაში ჩართვის მომენტისთვის შეუსრულდა 18 წელი;

2.2. პროგრამაში ჩართვა უფასოა და არ არის დამოკიდებული მომხმარებლის მიერ შენაძენის განხორციელებაზე;

2.3. მომხმარებლის მიერ OnePrice-ისთვის მიწოდებული ინფორმაციის საფუძველზე იქმნება მომხმარებლის ანგარიში. მომხმარებელს შეიძლება ჰქონდეს მხოლოდ ერთი ანგარიში და მისი დუბლირება დაუშვებელია;

2.4. მომხმარებელს შეუძლია მხოლოდ პირადად გამოიყენოს საკუთარი ანგარიში და მისი ან მასზე დარიცხული ქულების სხვისთვის გადაცემა დაუშვებელია;

2.5. პროგრამაში ჩართვამდე OnePrice-ის თანამშრომელი განუმარტავს მომხმარებელს პროგრამის წესებსა და პირობებს და პერსონალური მონაცემების შესახებ კანონმდებლობით გათვალისწინებულ სავალდებულო ინფორმაციას და მიუთითებს გაეცნოს „ლოიალობის პროგრამის წესებსა და პირობებს“ და „OnePrice-ის პერსონალური მონაცემების დამუშავების პოლიტიკას“, რომელიც გამოქვეყნებულია OnePrice-ის ვებ-გვერდზე: Oneprice.ge;

2.6. პროგრამაში ჩართვისთვის მომხმარებელმა OnePrice-ს უნდა წარუდგინოს ოფიციალური სახელმწიფო ორგანოს მიერ გაცემული პირადობის დამადასტურებელი დოკუმენტი (პასპორტი (უცხო ქვეყნის მოქალაქის შემთხვევაში, უცხო ქვეყნის მოქალაქის პასპორი), ID ბარათი, მართვის მოწმობა, საპენსიო ბარათი ან სხვა), რომელიც უნდა შეიცავდეს შემდეგ ინფორმაციას: სახელი, გვარი, პირადი ნომერი, დაბადების თარიღი, ფოტო;

2.7. პროგრამაში ჩართვისთვის მომხმარებელი OnePrice-ს აწვდის შემდეგ პერსონალურ ინფორმაციას: სახელი, გვარი, პირადი ნომერი, დაბადების თარიღი, ტელეფონის ნომერი და მისამართი;

2.8. წინამდებარე წესებისა და პირობების 2.6 და 2.7-ე მუხლებით გათვალისწინებული ინფორმაციის მიწოდებით, მომხმარებელი გამოხატავს თანხმობას რომ გაეცნო წინამდებარე „ლოიალობის პროგრამის წესებსა და პირობებს“ და „OnePrice-ის პერსონალური მონაცემების დამუშავების პოლიტიკას“.

3. ქულების დაგროვება;

3.1. OnePrice-ის მომხმარებლებს ქულების დაგროვება შეეძლებათ ანგარიშის შექმნიდან 24 საათის გასვლის შემდეგ;

3.2. მომხმარებლის მიერ მომხმარებლის ანგარიშზე ქულების დაგროვება ხდება OnePrice-ის მაღაზიებში პროდუქციის შეძენით;

3.3. მომხმარებლის მიერ შესყიდულ ყოველ 1 ლარის ღირებულების პროდუქციაზე, მომხმარებელს დაერიცხება 1 ქულა; იმისთვის რომ ქულების დარიცხვა დაიწყოს, შენაძენი უნდა იყოს სულ მცირე 1 (ერთი) ლარის ღირებულების;

3.4. ქულის დარიცხვის პროცესის განხორციელებისთვის მომხმარებელმა OnePrice-ს თანამშრომელს უნდა წარუდგინოს პირადი ნომერი;

3.5. დაგროვებული ქულები პროდუქციის შეძენისთანავე აისახება მომხმარებლის ანგარიშზე, ხოლო ტექნიკური ხარვეზის შემთხვევაში, ქულების ასახვა მოხდება არაუგვიანეს პროდუქციის შეძენიდან 5 (ხუთი) სამუშაო დღისა. დაგროვებული ქულების ოდენობისა და საერთო ბალანსის შესახებ მომხმარებელი მიიღებს SMS შეტყობინებას რეგისტრაციის დროს მითითებულ ტელეფონის ნომერზე.

4. ქულების განაღდება;

4.1. მომხმარებლის მიერ დაგროვებული ყოველი 1 ქულა არის 2 თეთრის ექვივალენტი, ე.ი ყოველი 50 ქულა არის 1 ლარის ექვივალენტი;

4.2. დაგროვებული ქულების განაღდება შესაძლებელია მხოლოდ OnePrice-ის მაღაზიებში პროდუქციის შეძენით, რა დროსაც მომხმარებელმა OnePrice-ის თანამშრომელს უნდა წარუდგინოს პირადობის ნომერი;

4.3. მომხმარებლის მიერ შესაძენი პროდუქცი(ებ)ის ღირებულება შემცირდება დაგროვებული ქულების შესაბამისი ოდენობით;

4.4. ქულების განაღდებისას დაგროვებული ქულები შემცირდება გამოყენებული ქულების ოდენობით. გახარჯული ქულების და დარჩენილი ბალანსის შესახებ მომხმარებელი მიიღებს SMS შეტყობინებას რეგისტრაციის დროს მითითებულ ტელეფონის ნომერზე.

5. პერსონალური მონაცემები;

5.1. OnePrice-ის მიერ პერსონალური მონაცემების დამუშავება მოხდება საქართველოს კანონმდებლობის სრული დაცვით, ლოიალობის პროგრამაში მომხმარებლის მონაწილეობის უზრუნველყოფის და პირდაპირი მარკეტინგის განხორციელების მიზნით;

5.2. OnePrice-ის მომხმარებელი (შემდგომში: მომხმარებელი) თავისი პერსონალური მონაცემების OnePrice-ისთვის მიწოდებით ეთანხმება, რომ მის მიერ მიწოდებული ინფორმაცია გამოყენებულ იქნეს ლოიალობის პროგრამაში მონაწილეობის და პირდაპირი მარკეტინგის განხორციელების მიზნით;

5.3. OnePrice-ის მიერ მომხმარებლის მონაცემები დამუშავდება კანონიერად, სამართლიანად, მომხმარებლისთვის გამჭვირვალედ, მისი ღირსების შეულახავად და საქართველოს კანონმდებლობით გათვალისწინებული პერსონალური მონაცემების დამუშავების პრინციპების სრული დაცვით;

5.4. OnePrice-ის მიერ პერსონალური მონაცემების დამუშავება მოხდება „OnePrice-ის პერსონალური მონაცემების დამუშავების პოლიტიკის“ შესაბამისად.

6. დამატებითი პირობები;

6.1. მომხმარებლის მიერ მის შესახებ მონაცემთა დამუშავების შეწყვეტის მოთხოვნის შესაბამისად, OnePrice-ის მიერ მონაცემთა დამუშავების შეწყვეტის შემთხვევაში მომხმარებლის მიერ დაგროვებული ქულები ანულირდება.

6.2. OnePrice უფლებამოსილია ნებისმიერ დროს ცალმხრივად შეწყვიტოს ლოიალობის პროგრამა ან შეცვალოს მისი წესები და პირობები. OnePrice-ის მიერ ლოიალობის პროგრამის შეწყვეტის შემთხვევაში, მომხმარებელი უფლებამოსილია შეწყვეტის მომენტამდე დაგროვებული ქულები გაანაღდოს მე-4 მუხლში მითითებული წესით, შეწყვეტიდან 3 თვის განმავლობაში. პირობების ცვლილების შემთხვევაში კი, OnePrice ვალდებულია ასეთი ცვლილების ძალაში შესვლამდე 2 (ორი) კვირით ადრე ამის შესახებ ინფორმაცია გამოაქვეყნოს საკუთარ ოფიციალურ ვებ-გვერდზე (Oneprice.ge). OnePrice ასევე უფლებამოსილია ცვლილების შესახებ ინფორმაცია გაუგზავნოს მომხმარებელს SMS შეტყობინების სახით რეგისტრაციის დროს მითითებულ ტელეფონის ნომერზე.

6.3. ლოიალობის პროგრამასთან დაკავშირებულ კითხვების შემთხვევაში, გთხოვთ, ეწვიოთ OnePrice-ის მაღაზიების ნებისმიერ ფილიალს ან/და გამოგვიგზავნოთ თქვენი კითხვა შემდეგ ელექტრონულ ფოსტაზე: info.consumer@oneprice.ge.